Wednesday, 14 November 2018

Lalaking 'di nakatalik ang kinuhang 'GRO' at nawalan daw ng cellphone, namaril sa bar


Apat katao ang nasawi sa pamamaril na naganap sa loob ng isang videoke bar sa Lal-lo, Cagayan. Ang suspek, kumuha umano ng "GRO" at dinala sa hotel pero hindi pumayag na makipagtalik sa kaniya.

Sa ulat ng GMA News "Saksi" nitong Miyerkules, nakuhanan sa CCTV ang mga suspek at babaeng "GRO" nang lumabas sa kuwarto ng pinuntahan nilang hotel matapos na tumanggi umano ang babae na makipagtalik.

Kinalaunan, sinundo ng may-ari ng bar ang babaeng "GRO" sa hotel.

Ang dalawang suspek, bumalik din sa bar at hinanap ang nawawala umano nilang cellphone.

Dito na raw nakasagutan ng mga suspek ang may-ari ng videoke bar at bumunot ng baril ang isang lalaki at namaril.


Sa tulong ng CCTV, natukoy ang mukha ng mga suspek na tinutugis na ngayon ng mga awtoridad.

May inilaan din na P50,000 pabuya sa sinumang makapagbibigay ng impormasyon para sa ikadarakip ng mga suspek.

source:gma

0 comments

Post a Comment