Wednesday, 7 November 2018

Tita Mel Tiangco, gustong itampok ang life story ni Pangulong Duterte sa "Magpakailanman"


Kung mayroon mang isang personalidad na nais si Mel Tiangco na maitampok sa kaniyang Kapuso drama anthology series na "Magpakailanman," ito ay walang iba kung hindi si Pangulong Rodrigo Duterte.

"Don't you sometimes feel that this guy, there's something mysterious about him. 'Di ba? Hindi mo ba napi-feel 'yung [sa likod ng pagmumura niya], ano ba talaga ang pagkatao ng taong ito? Parang gusto ko na, baka mapalabas ko kung ano 'yung kaniyang pagkatao na ganiyan," saad ni Tita Mel sa pocket press interview para sa 6th year anniversary ng "Magpakailanman" nitong Miyerkoles.


"Kasi ano eh, he is a man of contrast, 'di ba? He is soft-spoken, pero nagmumura?," saad pa ni Tita Mel na "24 Oras" news anchor din.

Para sa month-long celebration ng "Magpakailanman" ngayong Nobyembre, itatampok ang mga kakaiba at "more compelling" na mga istorya ng mga ordinaryong Pilipino.

Nitong nakaraang Sabado (Nov. 3), ipinalabas ang pag-iibigan nina Eloisa at Rene, na 44 taong ang agwat ng edad. Kung kadalasan na lalaki ang matanda sa babae, sa istorya nina Eloisa [76-anyos] at Rene [32], mas matanda ang babae.

Sa susunod na Sabado naman, ipapalabas ang istorya ni Yuki, isang bata na inabandona ng kaniyang Japayuki na ina.

"'Yung mother niya nag-Japayuki, tatlo silang magkakapatid na ipinamigay sila. Siya, pinambayad siya sa taxi, walang maibayad sa taxi 'yung mother niya. Eh hindi naman maganda 'yung napuntahan niya. In short, hinahanap niya 'yung mga kapatid niya," saad ni Tita Mel.

Inihayag din ni Tita Mel na itatampok din nila ang istorya tungkol sa mga seamen na dinukot ng mga Somalian. Ang mga karakter ay gagampanan ng magkapatid na Kapuso matinee idols.

"Malaki 'yun, malaki ang production, parang pelikula," pagmamalaki ni Tita Mel.

source:gma

0 comments

Post a Comment