Friday, 1 March 2019

WATCH | Batang Agaw Buhay sa Cainta, Kinumpirmang Hinalay Siya; Suspek, Arestado



Isang 9 na taong gulang na bata ang natagpuang naka-gapos, sugatan at sumusuka ng dugo sa ilalim ng Ortigas Extension Bridge sa Cainta, Rizal.

Base sa video na ipinalabas sa GMA-7 program na Unang Balita, kinumpirma ng bata na siya ay ginahasa at namumukhaan daw niya ang gumawa ng krimen na ito.

Ayon din sa video report ng nasabing programa, inaresto na ng pulis sa Cubao ang suspek sa krimen – si Pepito Tagal, isang ex-convict na 13 taong nakulong sa New Bilibid Prison dahil sa robbery. Siya rin ay hinihinalang isang drug addict.

Mayroon siyang ice pick at improvised na Swiss knife nang hulihin ng awtoridad.

Itinanggi naman ni Tagal ang akusasyon laban sa kanya at sinabing siya raw ang tinutukoy na suspek dahil lamang kaibigan siya ng mga magulang ng bata.

"Wala akong alam na panggagahasa na 'yan. Hindi totoo iyon,” sinabi ng suspek.

Natagpuan ang batang babae na naka-gapos at puno ng mga sugat at pasa ang katawan.

Dinala siya kaagad sa Cainta Municipal Hospital, kung saan nalaman ng mga doktor na maaaring nagka-brain injury ang bata dahil sa pambubugbog sa kanya.

May ligature marks din ito sa leeg kaya mukhang binigti pa raw ang bata.

Hindi pa nito maibukas ang mga mata at nagdurugo rin ang isang tenga niya. Sumusuka rin ng dugo ang kawawang biktima.

Watch the Video Here:
Source: Facebook/Youtube

0 comments

Post a Comment